HINDI makapaniwala si Katrina na darating ang panahong iyon na susuyuin siya ni Jero. Hindi rin niya lubos maisip bakit napapayag siyang tumira sa family house ng mga ito. Wala na siyang choice kundi lunukin ang kanyang pride. Dumarami na ang nabibiktima ng virus na hinihinalang nagmula sa kanyang mga magulang.
Isang linggo na siyang nakatira sa bahay ng mga Harley, at magmula nang doon na siya tumira ay minsan lamang niya nakikita si Jero sa bahay. Ang sabi ng mommy nito ay abala raw si Jero sa misyon ng mga ito. Kaya hindi siya naniniwala na mapapanindigan nito ang sinabing liligawan siya. Pero kung kailan hindi niya nakikita ang binata ay saka naman niya nami-miss ang kumprontahan nila sa tuwing nag-uusap sila. Hindi niya maikakailang nag-e-enjoy siya sa bawat pag-uusap nila.
Linggo n
