NAIINIS si Katrina dahil hindi niya kayang hulaan ang nasa isip ni Jero. Napakaseryoso nito at expressionless ang mukha. Bihira rin lumalabas sa katawan nito ang emosyon. Manhid na talaga ata ito. Baka ika niya’y ganoon talaga ang mga bampira. Pero hindi naman ganoon si Erman. Parang normal na tao lang si Erman kung makisama sa kanya.
Bihira niyang nakikitang ngumiti si Jero, maliban noong high school sila. Noon ay napapangiti niya ito kahit sandali. Bigla’y nagka-interes siya na ibalik ang dati nilang relasyon bilang magkaibigan. Pero natatakot siya baka maulit lang ang nangyari na mai-in love siya at sa huli ay kaibigan pa rin.
Isang linggo pa ang lumipas…
Hindi pa rin makapagdesisyon si Katrina. Wala na siyang trabaho at unti-unti na ring nababawasan ang pera niya na na-withdraw niy
