Emilia's POV
“Ate, ayaw ko nang bumalik doon. Hindi naman totoo ang sinabi ng doctor na babalik pa tayo hindi ba?” rinig kong tanong sa akin ni Kisha habang tinatahak itong makitid na daan patungo sa bahay.
“Babalik lang tayo doon Kisha para sa check up pero hindi na tayo mananatili doon,” ngumiti ako saka binalingan ng tingin ang aking kapatid. “Saka malakas na naman ang bunso ko. Hindi rin papayag si ate na babalik ka pa roon.” Ngiting wika ko.
Bibit ang mga gamit naming sa hospital ay marahan naming tinahak itong daan pauwi. Hawak—hawak ko lang ang kamay ni Kisha ngayon.
Mahabang panahon din siyang nanatili sa hospital bago tuluyang nakalabas at ngayong magaling na siya ay kahit papaano ay biglang parang nabunutan ng tinik itong aking dibdib.
“Emilia! Emilia! Emilia!” kaagad akong
