PAGPUNTA NI Alexa sa kaniyang kuwarto hindi siya mapakali, naupo siya pero ganoon pa rin ang nararamdaman niya, halos hindi maalis ang kabang na nanalaytay sa dibdib niya. Aminado siyang nasaktan niya ng husto ang binata dahil sa hindi niya tinigilang paluin ito sa ulo at katawan, mabuti na lamang at plastik ang kaniyang dustpan at na ipinalo niya, at kung nasaktuhan na bakal iyon tiyak hindi na iyon makakabangon at putol putol na ang buto nito. Nakalimang hampas naman siya ng walis tambo sa katawan nito dahilan para manakit ang buong likod nito.
Hays! Paano kung ibalik siya nito kaagad sa probinsya niya? Paano kung gumawa ito ng hakbang na ikagugulat niya? Paano kung habang natutulog siya hindi niya namalayang binuhat na pala siya nito at isinakay sa kotse nito papunta sa probinsya niya?
