MAAGA akong dumating sa shop. Nauna pa ako sa mga staff na pumasok. Excited lang talaga ako ngayon na muling makita si Rehan. May mga binili nga din ako na mga laruan, para sa kaniya. Dumaan kami ni Lily sa mall kagabi para mamili.
Hindi ako nakatulog sa magdamag. Ang daming tumatakbo sa aking isipan. Halo-halo ang aking emosyon.
Para bang ang hirap hintayin na mag-umaga. Gusto ko na agad siyang makasama.
Plano naming pasundan ang sasakyan nila sa aking driver. Para malaman namin ang address ng kanilang bahay.
In that way, magkaroon kami ng idea tungkol sa pamilya na kinabibilangan ni Rehan.
At pinaka-numero uno, kailangang makumpirma na si Manang Myrna na sinasabi niyang katulong nila at ang naging middle man namin ng kumuha sa akin para maging surrogate ay iisa.
Hindi pa nama
