Aegia Haven
"Okay na po ba kayo dito, Nay?" tanong ko kay Nanay habang inaayos ang kumot sa kanya. Nakahiga na siya sa kama ko. Dito ko siya dinala sa silid ko.
"Ayos na ako dito. Saan ba matutulog ang nobyo mo?"
"Susubukan ko po siyang pauwiin."
"Umuulan na sa labas. Dyan mo na lang 'yan patulugin. Pwede naman kayo dito sa kuwarto. Sa labas na lang ako."
"Nay, maraming kuwarto ang bahay na 'to. Huwag niyong alalahanin 'yong isang 'yon. Dito ko kayo dinala sa kuwarto ko para maging kumportable kayo. Matulog kayo ng maaga dahil maaga tayong pupunta sa doctor bukas."
"Wala ka bang trabaho bukas?"
"Wala pa po. Nag-leave ako ng ilang araw para sa inyo," pagsisinungaling ko.
"Pag-usapan niyo ng nobyo mo, anuman ang problema niyo. 'Wag niyo nang palakihin. Mukhang mabait naman siyang tao
