Aegia Haven
"Makakapal ang mga kilay niya, pero malinis ang tabas. Matangos ang ilong niya. Hindi 'yong tipong pang-mestizo lang—matulis talaga, na parang sa mga sundalong banyaga. Malalalim ang mga mata niya, pero hindi nakakatakot," tuloy-tuloy na pagdedetalye ni Nanay habang nakatitig sa kawalan, na animo'y binubuo sa alaala niya ang isang mukhang matagal nang nawala.
Naririto kami sa kusina. Maaga kaming nagising. Tahimik akong nagtitimpla ng mga kape namin ni Silver. Gatas naman ang tinimpla ko para kay Nanay.
Ibinaba ko ang mga ito sa mesa.
Si Silver ay nasa harapan niya, nakaupo rin sa isang silya at abala sa pag-sketch sa tablet ng mukhang idinedetalye ni Nanay. Tahimik at seryosong-seryoso siya sa ginagawa niya.
"Anong hiwa ng prutas ang hugis ng mukha niya, Nay?" tanong ni
