DUX
KANINA pa ako tuliro dito sa loob ng bakanteng silid at katabi lang ng master’s bedroom. Hindi ako mapakali hangga’t hindi kami nag-uusap uli ni Blessy. Kinakabahan na ako na baka kung saan hahantong ang galit niya sa akin. Hindi ko na alam kung paano pa siya papaniwalain. Gayon man ay gagawin ko ang lahat para mawala sa isip niya ang tungkol sa maling akala niya sa amin ni Teacher Maureen.
Hindi ngayon… Kung kailan tuluyan nang mawawala sa buhay namin ang gurong iyon.
Tumayo ako para lumabas uli. Balak kong katukin uli si Blessy at magmakaawa sa kaniya. Wala akong pake kung pang-nth times ko na ito.
Pagbukas ko ng pinto ay nagulat ako nang biglang bumungad si Anita. May dala siyang baso na may lamang gatas at mukhang papunta siya sa silid naming mag-asawa.
“S-Senyor Dux…” Halata
