TANGHALI na nagising kinabukasan si Angela kaya na-miss niya ang tawag nina Azrael at Lyka. Ginutom na siya kaya inuna niyang kumain. May pasok na ang mga kapatid niya pero may naluto namang pagkain. Dumating na rin ang caregiver ng mama niya na maghapon lang ang duty at uwian.
Ayaw pa niyang umuwi ng Pilipinas dahil may aasikasuhing papeles ng property at perang iiwan sa kaniyang pamilya. Kailangan niyang maayos lahat bago iwan ang kaniyang pamilya. Hanggat nasa Assassin’s Club siya ay hindi puwedeng bisitahin niya madalas ang kinalakihang pamilya, lalo na’t nagsimulang magpasunod ng ispiya sa kan’ya si Iruka.
Aware siya sa galawan ni Iruka. Once may assassin na nag-quit basta sa organisasyon nito, kaagad nitong pinapapatay. Ayaw nito na may magkakalat tungkol organisasyon. Marami kasi
