Kinabukasan, taliwas sa mga naging morning sickness ni Ivory, maganda ang kanyang pakiramdam.
Maaga siyang nagising at nagawa niya pa ngang maglakad lakad sa labas. Payo kasi ng doctor na dapat ay bukod sa dapat healthy ang kanyang kinakain, active din siya. Makakatulong daw kasi ito sa kanyang nararamdaman- physically and mentally.
Mag-aalas siyete na nang bumalik siya sa townhouse. Nagpupunas na siya ng pawis pagkapasok ng bahay. Sumalubong sa kanya ang mabangong niluluto ni Sally sa kusina. Na-excite tuloy siya.
Nagpunas lang muna siya at bahagyang pinagpag ang suot na loose t-shirt. Madali siyang pagpawisan talaga kahit na naglalakad kaya lagi siyang may dalang bimpo.
Pumasok siya ng bahay at didiretso na sana sa kusina nang mapatigil siya sa sala. Napatitig siya sa isang malaki
