Pagdating sa bahay, tahimik s'yang bumaba ng sasakyan. Alam n'yang hindi pa tapos ang galit ni Gael sa kanya. Alam n'yang sesermunan parin s'ya nito, ngayon nasa bahay na sila.
"Anya!" tawag sa kanya ni Gael. Naihinto s'ya sa pagpasok sa pintuan ng bahay.
"Mag-usap tayo, sumunod ka sa akin sa library" sabi nito. Hindi s'ya kumibo. Nauna na sa pagpasok ng pintuan si Gael. Bumuntong hininga lang s'ya at kibit balikat na sumunod rito papasok ng bahay.
Alam n'yang ang pag-uusapan nila ay ang tungkol kay Dylan. Tungkol sa pagiging malapit nila ni Dylan. At nakakasigurado s'yang sasabihan s'ya ni Gael na layuan na si Dylan. Hindi n'ya gagawin 'yon, kaibigan na n'ya si Dylan, isa pa ito lang ang nakakausap n'ya ng mabuti. Wala kasi s'yang kaibigan.
Pagpasok n'ya sa loob ng library, nakaupo si
