Matulin na lumipas ang mga araw. Naging abala siya sa trabaho sa ospital.
Marami kasi sa mga katrabaho niya ang nagsasabi na kaya nakapasok siya sa Saavedra Santillan Hospital ay dahil kay Gael, dahil nobyo niya ang may-ari ng ospital. Kaya nais niyang ipakita ang galing niya—na kahit wala si Gael, kaya niyang makapasok sa ospital sa sarili niyang sikap. Matalino siya at magaling pagdating sa trabaho. Walang doktor na nagsasabing hindi siya magaling sa trabaho. Dahil talaga namang ginagalingan niya.
Hatid-sundo siya ni Gael sa trabaho. At kung mag-overtime siya, hinihintay siya ni Gael. At kung si Gael naman ang may late meeting, hinihintay niya ito sa opisina nito, gaya ng utos nito.
Isa pa, matapos ang insidenteng nakita siya ni Gael kasama ni Dylan, iniwasan na niya muna si Dylan. H
