Kinakabahan s'yang pumasok sa malaking bahay ng mga Saavedra. Ito na ang pangatlong pagtungtong n'ya sa mansyon ng mga Saavedra. Alam n'yang hindi s'ya tanggap ng ama ni Gael, pansin n'ya 'yon ng gabi ng anniversary sa ospital, pansin n'ya ang pagka disgusto sa ama ni Gael. Naiintindihan naman n'ya ito, dahil si Julia Santillan naman talaga ang nababagay kay Gael.
Hindi n'ya alam kung para saan ang dinner na ito sa mansyon ng mg Saavedra, next week na ang kasal nila ni Gael, pero alam n'yang hindi para sa nalalapit nilang kasal ni Gael ang dinner ng pamilya Saavedra.
"Gael, Anya" Si Gavin ang sumalubong sa kanila pagpasok sa loob. Nginitian n'ya ang gwapong panganay ng mga Saavedra. Napansin si Ellise sa may sofa nakaupo, sa may kabila naman ang isa pang lalake. Marahil ito ang pangalaw
