Nakatitig si Eva sa kanyang cellphone na kanina pa paulit-ulit na tumutunog, si Donald iyon wala ang kanyang focus doon kundi lampasan lamang na nakatitig siya sa phone. Ibayong lungkot na kanyang nararamdaman ng mga sandaling iyon.
Lalo na at nasa damit pa rin niya ang dugong naisuka ni Audrix kanina. Hindi pa rin niya maintindihan kung bakit nagkakaganon si Audrix. Pero sa kanyang pagkagulat iba na naman ang hatid niyon sa kanyang pagkatao. Bakit mukhang nasasakop na naman ang kanyang sistema ng tungkol kay Audrix.
Bakit parang ayaw na niyang iwan ang lalaki at manatili na lamang siya doon para matiyak na ligtas ang kanyang dating asawa.
Kahit kaninang kanina pa tumatawag si Donald at alam niya nag-alala na ito sa kanya ay para bang wala siyang intensyon na sagutin ang tawag nito.
