الفصل الخامس
2818 Words
رواية همجى بدرجه وسيم .
الفصل الخامس .
بقلمى / هدير خليل .
فى الصباح .
استيقظ آدم و ذهب إلى غرفة مالك حتى يوقظه من النوم و قام بتحضير الفطار حتى يتناول مالك فطاره بعد ان انتهوا و تجهز مالك ل الذهاب إلى المدرسه قام آدم بحمل حقيبة مالك و امسك ب يد مالك حتى يوصله إلى مدرسته عندما وصلوا إلى الطريق الرئيسى قابلوا سيف فى طريقهم قادم إليهم .
آدم :- ايه اللى جابك ؟
سيف بسخط .
سيف :- هى دى صباح الخير بتاعتك هو انا كنت نايم فى حضنك .
آدم :- إذا كان عجبك .
سيف بضيق .
سيف :- اركب يا آدم بدل ما تغابه عليك على الصبح .
نظر له آدم باستغراب ف ليس من عادة سيف ان ي**ت له .
آدم :- فى ايه مش عويدك متردش ؟
سيف بجديه .
سيف :- اركب الاول نوصل مالك المدرسه بعدين نتكلم .
ركبوا السيارة و اتجه إلى مدرسة مالك و قاموا ب ايصاله و بعد أن اطمئن آدم على صغيرة .
آدم :- يالا بينا نروح .
هز سيف رأسه بالموافق مما اثار تعجب آدم ف سيف اليوم ليس على طبيعته ، ركب آدم فى المقعد الأمامى بجوار سيف الذى ما ان ركب آدم حتى انطق فى طريقه حتى سلك طريق يختلف عن طريق منزل آدم ف الطريق الذى يسير به فى أحد الاماكن الراقيه فى مدينه القاهرة .
آدم باستفهام .
آدم :- انت وخدنى على فين ؟
سيف :- مامتك عايزه تشوفك .
عندما استمع آدم لما قاله سيف اظلمت عينه من الغضب .
آدم ( بعصبيه ):- وقف العربيه يا سيف .
سيف ببرود .
سيف :- لا .
آدم بنرفزه .
آدم :- انت فاكر لما تعمل كده هتلوى دراعى .
تحدث له سيف بعصبيه مماثله له .
سيف :- ياخى حرام عليك اللى بتعمله فيهم ده حرمهم منك و من ابنك كل ده علشان ايه ؟ اللى كانت السبب خلص ماتت معدتش موجوه فوق لنفسك ق.....
لم يستطيع آدم التحكم فى اعصابه أكثر و قام بض*ب سيف بو** و هو يتحدث بغضب .
آدم :- ياسمين مماتتش و إن كانت ماتت بالنسبه ليكم بالنسبالى انا لا و لاخر يوم فى عمرى انا مش هسمحهم ولا هخليهم يشوفوا ابنى انت فاااااهم .
سيف بهدوء و هو يحاول ان يجعل آدم يهدء .
سيف :- آدم انسى و سامح اهلك عمرك ما كانوا يقصدوا اللى حصل ولا كانوا يعرفوا ان هيحصل كده .
بدلا من تهديه كلماته ب زادت من اشتعال آدم أكثر .
آدم ( بزعيق ):- انسى ! انسى ايه ؟ انسى انهم كانوا السبب ان مراتى تموت قدام عينى و انى اكون عاجز على مساعدتها ولا انسى انهم يتموا ابنى و حرموه من امه اللى حتى ملحيش يعرف شكلها انسى ان بسبب خوفهم على الفلوس ضحوا بيا بص يا سيف لاخر مرة هقوله ليك انا مليش اهل و لو فتحت الموضوع ده تانى هعتبر ان اللى ما بينا انتهى نزلنى .
سيف :- هوصلك البيت .
ليهتف آدم بعتراض .
آدم :- مش عايز حد يزف*نى وقف العربيه بدل ما انزل منها و هى مشيه .
سيف أوقف السيارة و هبط منها آدم و غادر بدون أن يلتفت ل سيف لم يستطيع سيف أن يتركه بمثل هذه الحال ف أخذ يتابعه ب سيارته من بعيد حتى وجده يقف أمام النيل و جلس ينظر له بآلم .
سيف بحزن على وضع صديقه .
سيف :- ربنا يداوى جرحك يا صاحبى .
أما عند آدم ف بعد ان ترك سيارة سيف شعر بالاختناق و ب نار مشتعله داخل قلبه جلس أمام النيل و أخرج صوره له هو و ياسمين .
Flash Back .
دخل آدم المحاضره بطلته الخاطفه أخذ يبحث بعنيه عن ياسمين حتى وجدها و تقابلت اعينهم ف قامت ياسمين بالغمز له ف ابعد آدم نظره عنها بدون أن يعيرها أى اهتمام و بدأ فى الشرح أما هى ف لم تجلس صامته ف أخذت تستفزه كلما تقابلة عيونهم .
ناهد :- اتهدى الله يخرب بيتك انتى ناسيه انه دكتور .
ياسمين بلامباله .
ياسمين :- خليكى فى حالك و الله ل جننه و خليه يقول ان الله حق .
ناهد باستفهام .
ناهد :- انا عايزه اعرف اشمعنا الدكتور ده اللى حطاه فى دماغك .
ياسمين :- انا م.... آآآه .
قطعت ياسمين حديثها عندما قام آدم ب القاء غطاء القلم على رأس ياسمين .
آدم :- صحى النوم يا بشمهندسه ؟؟ ايه اخر حاجه قولتها يا بشمهندسه ؟؟
ياسمين و هى تتحدث بصوت منخفض آسف يحمل فى طياته الغيظ .
ياسمين :- سورى يا دكتور ماخدش بالى .
هتف آدم بتحذير .
آدم :- لو عايزه تنامى او تتكلمى يكون بره بيتهيالى احنا فى محاضرة يعنى دماغك تكون هنا ده اخر تحذير ليكى انتى فاهمه .
ياسمين بوعيد اكثر من طاعه و هى تجيبه .
ياسمين :- ماشى يا دكتور .
تحدث آدم بسخريه .
آدم :- اتفضلى و ياريت الكل يخلى باله معايا مش جسم هنا و دماغ فى المطبخ .
الجميع التفت ل ياسمين و أخذوا يضحكون و يسخرون منها .
احد الطلاب :- معلش يا دكتور اصل عندنا محشى .
واحد اخر :- لا عندنا بشاميل .
آدم بضيق و عصبيه .
آدم :- خلااااااص احنا هنستهبل مش معنى انى وقفت حد فيكم ولفت انتباه على حاجه يبقى تستاهبلوا و تعملوا مسخره بينكم .
قام آدم ب أخذ قلم السبورة و قام بكتبت معادله رياضيه .
آدم :- كل واحد فيكم يطلع ورقه و يحل المسائل اللى قدامكم انا هحط عليه درجة اعمال السنه كلها معاكم ربع ساعه و هاخد الورق .
انتهت الربع ساعه و لم يستطيع أحد أن يجيب على المسائل .
الطلابه :- معلش يا دكتور سامحنا المرادى و وعد مش هنكرر اللى حصل ده تانى .
آدم و هو ينظر ل ياسمين بدون ان يهتم ل حديثهم .
آدم :- هاتوا الورق و لو زميلتكم سامحتكم ساعتها هغير لامتحان .
آدم جمع الأوراق منهم و خرج و بعد رحيله اتجه كل الطلابه إلى ياسمين و يعتذروا منها و يطلبوا منها أن تجعل الدكتور يغير الامتحان ب أخر .
ياسمين بغرور .
ياسمين :- ماشى انا مستعده اقول لدكتور بس بشرط .
احد الطلبه :- ايه هو ؟
ياسمين :- نطلع رحله العين السخنه و تخلوا دكتور آدم هو المشرف على الرحله .
احد الشباب :- نطلع رحله اشطا مفيش مشكلة بس دكتور آدم يبقى المشرف هتبقى رحله رخمه و هو شكله كئب فى نفسه كده و هينكد على أهلنا .
هتفت البنات بعتراض و هم يصرخوا و يقولوا .
البنات :- دى هتبقى رحله عسسسسسل .
ياسمين :- ده اللى عندى .. رحلة ل العين السخنه و دكتور آدم يكون المشرف يا أما خلى درجه الامتحان زى ما هى .
الطلاب :- لا لا احنا موافقين على الرحلة و هنضبط كل حاجه متقلقيش .
ياسمين و هى تجمع متعلقاتها ل تغادر .
ياسمين :- تمام .
غادرت ياسمين و اتجه الى المكان الذى يركن به الدكاترة سيارتهم و اخذت تبحث عن سيارة آدم حتى وجدتها و اتجهت لها ، انتهى آدم من محاضراته و اتجه ل سيارته ل يغادر و لكنه صدم من الذى رأه .
آدم :- يا بت المجنونه .
لقد وجد آدم سيارته كلها أصبح مرسوم عليها قلوب و رسالة مكتوب بها " دى شكرا بطريقتى تعيش و اشكرك يا دوك " .
اخرج آدم هاتفه و اتصل ب سيف و هو ينظر ل سيارته بحسره .
آدم :- الو يا سيف انت فين ؟
سيف :- فى الشركه هو انت مش جاى ولا ايه ؟
آدم :- لا جاى بس كنت عايزك تاجى تخدنى من الجامعه .
سيف باستغراب .
سيف :- ليه اما فين عربيتك ؟
آدم بحسرة .
آدم :- لما تاجى هتعرف .
سيف :- ماشى ما انا سواق اهلك انا مش عارف ايه المعرفه دى .
آدم بضيق .
آدم :- اخلص يا زفت .
سيف :- و كمان بتزعق فيا أما فين الادب .. لو سمحت يا بشمهندس سيف .. لو سمحت يا سيادة الباشا سيف .. لو سمحت يا ...
يقاطعه آدم بنرفزه .
آدم :- يا حيوان خمس دقايق و القيك قدامى .
سيف و هو ينظر ل هاتفه بصدمه .
سيف :- و كمان بتقفل فى وشى هى حصلت اما ارحله بدل ما يعلقنى .
وصل سيف إلى مكان آدم الذى وجده يستند على سيارته الذى عندما رأها سيف صدم .
سيف ( بصدمه ):- ايه ده !! ايه اللى عملته فى العربيه ده يا مفترى جلك قلب تعمل فيها كده دى كانت بكياسها يا حبيبتى مكنش يومك يا قلبى يا الوانك اللى راحت ياضنيا .....
آدم بعصبيه .
آدم :- بطل ولوله زى الحريم و اخلص تعالى سوق .
سيف بحزن و حسرة .
سيف :- انت ازى لسه عايش جيلك قلب منين ؟ مكنتش فلوس دى اللى دفعتها فيها دا انا كان هيجيلى سكته قلبه لما سمعت سعرها ما بالك انت اللى دفعت انت المفروض تجيب ملايه و تفرشها فى الارض و تقعد تولول على الاقل 3 ايام .
آدم يركب سيارة سيف مكان السائق و يشغل السيارة و يقول بضيق .
آدم :- هتركب ولا امشى و اسيبك .
سيف و هو مازال يتحسر .
سيف :- هركب ما انت فلوسك كتير هقول ايه عليه العوض و منه العوض .
غادر آدم و سيف وسط حسرة سيف على السيارة .
اخذ آدم فى الايام التاليه يتعرض إلى الحاح من طلابه حتى يوافق على الذهب إلى الرحلة و تحت اصرارهم اضطر ان يقبل .
فى يوم الرحلة وجد آدم ، سيف يرتدى تشيرت و شورت بحر و معاه شنطه على كتفه ف تحدث آدم باستفهام .
آدم :- انت رايح فين بالمنظر ده ؟
اجابه سيف بسعاده و مرح و هو يقول .
سيف ( بمرح ):- هروح معاك يا دومى .
آدم :- امشى يا سيف من قدامى انت عايز تعرنى بالمنظر ده .
هتف سيف بحزن طفولى .
سيف ( بقمصه ):- عليا النعمه ما انا مشى هو يعنى تعالى يا سيف فى البهدله و لما يبقى فيها شهيصه غور يا سيف فى داهيه انا عايز اروح البحر .
هتف آدم بهدوء .
آدم :- طيب لما انت و انا نروح الرحله مين هيراعى الشغل فى الشركه يا فالح .
سيف :- متخافش انا ضبظ كل حاجه و محمود هيبلغنى لو حصلت حاجه ضروريه .
آدم :- انا عارف انى مش هخلص مش كفايا عليا مجنونه واحدة اطلع يا سيف خلينا نخلص .
سيف بيقفز داخل السيارة بمرح .
سيف :- حبيبى يا دومى دقوا الشمسى دقوا الشمسى دقوا الشمسى على البلج دقوا الشمسى .
هتف آدم بتحذير و يرفع اصبع فى وجه سيف و يقول .
آدم :- تعرف لو مقفلتش بؤقك هرميك من العربيه و هى مشيه فاهم .
هتف سيف و هو يبرطم بغيظ .
سيف :- مفترى .
آدم رفع احد حاجبيه و نظر له ، ليردف سيف و هو يكتم غيظه و يقول .
سيف :- خلص هحط جزمه فى خشمى و هسكت اطلع يالا .
وصلوا إلى مان اتوبيس الرحله و بعد ما ان تأكد آدم ان جميع الطلاب حاضرون تحرك الاتوبيس لتبدء الرحله .
نسمه :- دكتور ممكن اقعد هنا .
آدم نظر لها و ثم نظر على الاماكن الذى فى الاتوبيس فى الخلف الفارغه .
آدم :- الاتوبيس فاضى وراى و بعدين المكان اللى جنبى محجوز اتفضلى .
هتفت نسمه بدلع مبالغ فيه .
نسمه :- محجوز ل مين مفيش حد قعد جانبك من اول ما طلعنا الاتوبيس .
جاء سيف و قفز إلى المقعد المجاور ل مقعد آدم .
سيف :- لا فى انا .
نسمه ب ابتسامه زائفه و هى ترمق سيف بغيظ قبل ان تهتف .
نسمه :- آآه سورى مخدتش بالى بعد اذنك .
هتف سيف بسماجه .
سيف :- مخليكى ده الشاى جاى فى الطريق .
نسمه نظرت له بستحقار و عادت إلى مكانها .
بعد ان غادرت نسمه سيف يهمس بسخط لم يسمعه سوى آدم و هو يقول .
سيف :- جتك الق*ف و انتى شبه رجل الكرسى .
ليهتف آدم و هو يضحك و هو يجلس بجوار سيف و هو يقول .
آدم :- ههه اول مرة اعرف انك مفيد .
ليجيبه سيف بغرور و تفاخر و هو يقول .
سيف :- علشان تعرف انا بنقذك من ايه ؟
ليتن*د آدم بضيق و هو يقول .
آدم :- و الله انا كره الطلعه دى أصلا .
سيف :- متفكها بقى يا دومى .
هتف آدم بتحذير .
آدم :- سيف اتلم متنساش انا وسط طلابى .
سيف :- انا عارف انك هتخنقنى انا هروح اقعد مع العيال احسن .
آدم :- فى داهيه .
اما عند نسمه عادت مكانها و هى شيطه مما حدث .
ناهد :- مالك يا نسوم هو الدكتور حلق ليكى ولا ايه ؟
نسمه بعصبيه .
نسمه :- ده واحد معندهوش ذوق و بارد .
ناهد :- طيب وطى صوتك و بعدين انا شايف انه انسان محترم جدا .
نسمه بعتراض و ضيق .
نسمه :- و النبى اتلهى .
ياسمين ببرود .
ياسمين :- و انتى مضيقه ليه يعنى انا شايفه انه ميستهلش اصلا كل اللى بتعمليه ده .
نسمه :- لا و الله بقى القمر ده ميستهلش اما مين اللى يستهل انا مستعده ادفع نص عمرى و اوقعه .
ناهد بضيق من حديثهم .
ناهد :- ايه الهبل اللى بتقوليه ده ؟
نسمه :- ملكيش دعوة انتى يا ست فضيله سبينى فى حالى .
هتفت ياسمين بغرور .
ياسمين :- انا مش عارفه انتى ليه هتموتى عليه كده دا انا لو شورت له بصباعى الصغير هجيبه راكع .
نظرت لها نسمه بخبث و هى تقول بمكر .
نسمه :- لو عملتيها هكتبلك شاليه الساحل بتاعى اللى بابا ادهونى فى عيد ميلادى اللى فات بس لو خسرتى هخد عربيتك الجديدة .
هتفت ناهد بعتراض و تحذير و هى تطالع ياسمين و تقول .
ناهد :- ياسمين اياكى تسمعى كلامها ده جنان .
لم تهتم ياسمين الى حديث ناهد و هى تحول نظرها الى نسمه و تجيبها بثقه و هى تقول .
ياسمين :- موافقه قبل ما الرحله دى تخلص هتلقى الدكتور بيركع قدمكم يعترفى بحبه لى .
نسمه ( بتحدى ):- خلص بعد 10 ايام لقولك مب**ك عليكى الشاليه ياما هتقوليلى مب**ك عليا العربيه .
ياسمين و هى تنظر الى آدم المنشغل بالحديث و المزاح مع سيف و لم ينتبه الى نظىاتها او الى ما يتم تدبيه من خلفه للايقاع به ، لتردف ياسمين بهدوء .
ياسمين :- ماشى .
ناهد :- انتى شكلك اتجننى .. وصلت انكم تترهن على مشاعر الناس بجد بقيتوا تق*فوا .
نهضت ناهد و تركت لهم المكان و جلست فى مقعد بعيد عنهم فى اول الاتوبيس .
نسمه :- تفتكرى ممكن هتقوله .
اجابتها ياسمين بثقه و هى تقول .
ياسمين :- لا معتقدش انا عارفه انها ممكن ترفض اللى بنعمله بس متوصلش انها تأذينى و تروح تقوله .
نسمه :- ماشى جهزى نفسك وقتك هيبدء من اول ما نوصل و ينتهى فى اخر يوم فى الرحله .
ياسمين و هى تشرد فى آدم .
ياسمين :- تمام .
Back .
آدم لم يشعر بالوقت الإ عندما رأه التلاميذ تخرج من المدرس ف نهض لكى يذهب الى مالك الذى تاخر عليه .
آدم وصل مدرسة مالك ف وجده يقف وحيدا ينتظر قدوم والده .
هتف مالك بغضب طفولى .
مالك :- ما لسه بدرى ؟؟ كنت اتاخر ساعتين تلاته كمان .
آدم :- اسف يا مالك غصب عنى .
مالك يرفع يده الى آدم لكى يحمله ف حامله آدم بهدوء ، ف امسك مالك وجه والده بين يديه الصغيرتين .
مالك :- مالك يا بابا هو سيف قالك ايه زعلك ؟
آدم بابتسامه بسيطه و هو يرد عليه بهدوء و هو يقول .
آدم :- ليه بتقول كده مفيش حاجة ؟
مالك :- انا مس صغير عل**ن تضحك عليا مادام قولت يا مالك يبقى زعلان ياما افتكرت ماما .
هتف آدم بعصبيه و نرفزه و هو يقول بحدة .
آدم :- قولتلك مفيش حاجة .
مالك و هو يحاول الهبوط من حضن آدم و لكن آدم يمنعه من الهبوط ، فهتف مالك بعصبيه و هو مازال يحاول الهبوط من بين احضان والده .
مالك :- نزلنى .
آدم بيقيد حركت مالك بعصبيه فى حضنه و مالك رافض احتضانه له .
آدم :- خلص بقى اهدى .
هتف مالك بعتراض و نرفزه و هو يقول بعند .
مالك :- لا .
آدم فى محاولة منه لكى تهدأت مالك .
آدم :- لو هديت هخدك و نروح نزور ماما بعد ما تتغدى .
هتف مالك بسعادة و فرح .
مالك :- بجد .
آدم يهز رأسه بإيجاب و هو ينظر الى سعادة صغيرة ب رضى .
آدم :- اممم .
مالك :- حبيبى يا دومى .
آدم :- انت اللى حبيبى .
مالك و هو يرجع شعره الذى هبط على عينه و هو يقول .
هتف مالك باستفهام و يطالع والده و يقول .
مالك :- يبقى اللى مزعلك ان ماما وحستك صح .
ليجيبه آدم بنبره حزينه تحمل الكثير من الآلم و هوو يقول .
آدم ( بحزن ):- صح يالا بينا .
مالك و هو يقبل والده فى خده بحب و هو يردف .
مالك :- يالا .
يا ترى ايه هيحصل بين ياسمين و آدم ؟ ياسمين هتكمل الرهان ولا ايه هيحصل ؟
يا ترى ايه قصه آدم و ياسمين ؟ و ازى ياسمين ماتت ؟ و ايه دخل اهل آدم بموت ياسمين ؟
انتظروا الفصل الجاى هنتظر تعليقاتكم و رايكم على الفصل و رايكم فى علاقات الابطال مع بعض و ايه اكتر شخصيه فى الرواية انتوا حبتوها و ايه توقعاتكم ممكن يحصل بين ياسمين و آدم .
ياريت يبقى فى تفاعل و تعليق على الاحداث مستانيه توقعتكم لاحداث و ايه هيحصل ؟
يتبع .
****************
- Writer
