DALAWANG buwan na ang tiyan ni Ashley nang makatanggap ng tawag mula sa kapatid. Ang sabi, kailangan niyang pumunta sa ospital dahil malubha ang sakit ng ina. Nang mga oras na iyon, nasa opisina ang asawa. Hindi na niya inistorbo sapagkat may mahalagang meeting ito . Ayaw naman niyang basta magtiwala sa mga bodyguard, lalo pa't laging may death threats siyang natatanggap.
Tinawagan ang kapatid at sinabing sunduin siya. Sa mga kapatid, siguradong ligtas silang mag-ina, kaya ang mga ito lang ang pwede niyang pagkatiwalaan.
Naligo muna siya at saktong nakabihis na nang dumating ang sundo niya.
Nag-aalala naman sa kanya ang mga kasambahay, lalo pa't walang alam ang kanyang asawa sa gagawin niyang pag-alis.
"Babalik din po agad ako, ayaw kong istorbohin ang aking asawa ngayon, dahil nasa ma
