NAGTATAKA si Dylan bakit iba ang putaheng nai-serve sa kanya ni Zae. Maging si Rafael ay nagtaka. Buong small size na manok ang ibinigay sa kanya at mash potato. Inartehan pa ang plating na mayroong makukulay na side dish nitong gulay.
“Teka, ang daya, bakit iba sa ‘yo?” sabi ni Rafael.
Tinawag niya si Zae. Lumapit naman ito sa kanila. “Bakit ito ang binigay mo? Baka order ito ng opisyales,” sabi niya.
Nakangiti ang dalaga. “Special menu po iyan para sa inyo. Cooked by a special chef who wants to win your attention,” kiming sabi nito.
“Si Tito Serron ba?”
Humagalpak ng tawa si Rafael. “Damn! Ang init!” sabi nito nang matapunan ng sabaw ang kamay nito.
Hindi niya pinansin si Rafael. “What are you talking about?” naiinis nang tanong niya sa dalaga.
“Naku naman, Doc. Baka bigla mong ip
