ANG dating suntok sa buwan na pag-asam ni Charmaine na makuha ang buong atensiyon ni Dylan ay tila unti-unti nang lumilinaw at nagkakaroon ng puwang. Malapit nang mahulog ang puso nito sa kanya kaya susundutin niya nang matuluyanng malaglag. Nakahanda naman siyang saluhin ito.
Maaga sa kitchen si Charmaine para magluto ng iba pang putahe para kay Dylan. Kahit hindi niya aminin ay lumalabas na siya ang nanliligaw sa binata. Hindi siya nag-research tungkol sa mga gustong pagkain ni Dylan. Nakadepende lang siya sa mga pagkaing gusto niya. Kahit hindi siguradong magugustuhan ng binata ang numang lutuin niya ay itinuloy pa rin niya ang ginagawa.
“Mostly sa mga lalaki ay gusto ng meat. May mga lalaki ring vegetarian at mahilig sa sweet. Pero sa mga hybrid, mahilig sila sa roast meat,” sabi ni
