Makalipas ang dalawang araw, naihanda na niya ang mga kakailanganin para sa araw ng kampanya sa tulong ni Ziyah. Si Ziyah mismo ang nag-isip ng magandang concept para sa kampanya niya. Iyon daw ang papatok sa mga kabataan, dahil target nila ang mga kabataan sa bayan ng San Miguel. Ayon pa kay Ziyah, hindi mabibilog o masisilaw ni Julio sa pera ang mga kabataan sa bayan nila. Dahil mas gugustuhin daw ng mga kabataan ang isang tulad niya para mamuno sa San Miguel.
Sa loob din ng dalawang araw, sa condo unit niya tumutuloy si Ziyah. Inalok naman niya itong ikuha ng sariling unit, pero umayaw ito. Wala naman daw masama kung magsama sila sa iisang unit, alam naman daw ng mga tao na may relasyon sila. Ganoon pa man, wala pa silang napagsasabihan ni Ziyah na dalawang araw na silang nakatira sa i
