"Ziyah?" Tawag niya sa asawa na nanatili pa ring tahimik matapos ang tanong niya. Marahil nabigla ito sa sinabi niya. Pero ang magkaroon ng anak at makabuo ng sariling pamilya ang isa sa nais niyang mangyari sa pagsasama nila ni Ziyah. Matapos niyang maisip na pakasalan si Ziyah ay naisip rin niyang magkaroon ng anak rito. Ang bumuo ng pamilya kasama si Ziyah ang misyon niya. Kung bakit ay hindi pa siya sigurado, pero may idea naman na siya. Sadyang hindi lang niya alam kung iyon nga nararamdaman, dahil nga bago sa kanya ang lahat ng nararamdaman kay Ziyah.
Nakatitig sa kanya ang naglalakihang mga mata ng asawa. Kapwa na sila hubod't hubad, at napakaganda ng asawa niya. Nakahiga ito sa kama, habang nakasaboy ang mahabang buhok nito sa may unan. Kaakit-akit ito.
"Ziyah, did you hear me?"
