JAY ROYZ POV.
KANINA pa ako nakaupo sa harap ng monitor, paulit-ulit na pinapanood ang kopya ng CCTV footage.
Muling bumalik sa isipan ko ang gustong mangyari ni Luisa, at labag sa kalooban ko ang desisyong kailangan kong gawin.
Dinampot ko ang intercom.
“Papuntahin mo sa meeting room ang tatlong nanakit kay Ms. Luisa… ngayon,” mariin kong utos.
“Opo, Chairman,” sagot ng Team Leader.
Tumayo ako at nagtungo sa wall glass. Tahimik kong minasdan ang lawak ng siyudad sa ibaba… mabagal ang daloy ng mga sasakyan. Wala pa rin pinagbabago, sa ganoong oras, maya maya lang traffic na.
Ilang sandali pa, bumalik ako sa mesa, isinara ang laptop, at lumabas ng chairman’s office.
“Boss, aalis na ba tayo?” tanong ni Nilo, ang driver at bodyguard ko.
“Hindi pa. Mamaya pa tayo aalis. Dadaan muna ak
