Dos POV
NASA kalagitnaan ako ng isang mahalagang pagpupulong nang biglang bumukas ang pinto. Pumasok ang isa sa aking mga tauhan, bakas sa kanyang mukha ang matinding pagkabahala. Agad naputol ang usapan, kahit hindi niya sabihin, nararamdaman kong malaking pasabog ang dala niyang balita.
Tumayo ako at marahang inayos ang aking blazer. Dinampot ko ang aking cellphone at walang pag-aatubiling lumabas ng silid.
“Sino ang mga taong sinasabi mo, sabihin mo?” malamig ngunit nagbabadya ng sumabog sa galit ang aking boses.
“Si Denis po, Boss. Nasa ibaba ng opisina ninyo. May kasama siyang mga tao, may mga dala pa pong banner. Matindi ang mga paninira nila.”
Bahagya akong napapikit bago tuluyang pumasok sa aking opisina. Binuksan ko ang malaking TV, at agad na sumalubong sa mga mata ko ang na
