JAY ROYZ POV.
KANINA ko pa napapansin na nagpipigil ng tawa ang driver-bodyguard kong si Nilo. Matagal-tagal na rin kaming nakahinto sa tapat ng bahay ni Mr. Arnold. Hindi pa rin ako makapaniwala na doon nakatira si Luisa. At ang mas lalo pang nakakainit ng ulo… pulis pa ang lalaking iyon. Alam ko ang reputasyon ng karamihan sa kanila pagdating sa babae… at hindi iyon maganda.
“Boss, hindi ba tayo bababa?” tanong ni Nilo, halatang naiinip.
“Kung gusto mo, bumaba ka. Lumapit ka sa gate, pindutin mo ang doorbell, at sabihin mo sa pulis na ’yon na palabasin niya si Luisa at dalhin niya rito!” singhal ko. Saka sumandal at pumikit, ngunit agad din napadilat.
Aba, tumawa pa talaga ang loko.
Si Nilo… dating kaklase ko. Honor student kaya nakapasok sa eskwelahan para sa mayayaman. Doon nagsim
