KABANATA 19:
MARAHANG HINAGOD NI DENZEL ang medyo mahaba na niyang buhok gamit ang mahahaba niyang daliri. Ang totoo, mas gusto niyang ganito kahaba ang buhok niya lalo pa at gusto niyang matakpan ang peklat niya sa noo na halos kasinghaba ng daliri niya. Medyo malabo na ito dahil matagal na pero hanggang ngayon, iyong dahilan kung bakit ito nagkaroon ng peklat ay hindi pa rin nawawala sa kaniyang alaala.
Kaagad siyang pumasok sa loob ng opisina ng kaniyang lolo nang magbukas ang pinto ng elevator. Kinaiinisan niya ang pagiging apo ng isang mayamang tao. Noon, ayos lang sa kaniya at masaya siya rito. Lalo na noong buhay pa ang kaniyang mga magulang, ngunit nagsimulang kalbaryo ito sa kaniya nang maulila siya. Ang dahilan kung bakit siya umalis sa puder ng kaniyang lolo ay dahil sa mapang
