Wala ako sa sarili habang nagpapatuloy ang Judge na nagkakasal sa amin. Ramdam ko ang maya't mayang pagtitig sa akin ni Troy na nakatayo sa tabi ko. Nakasuot ako ng isang simpleng puting dress na below the knee ng konti ang haba. Tinernuhan ito ng isang cream colored na sandals. Habang hinayaang nakalugay lamang ang mahaba kong buhok.
Naging mabilis ang mga pangyayari. Nasundan pa ang pagpunta ng mga Lacsamana sa bahay. Sa loob lang yata ng ilang araw ay naplano itong civil wedding. Para lang akong robot na naka-set para sumang-ayon sa lahat ng ito.
Pinikit ko na lamang ang mga mata nang nilapit ni Troy ang mukha sa akin para mahalikan ako. Marahan lamang ang dampi ng kanyang labi sa akin. Sunod naming narinig ang palakpakan ng mga saksi. Bukod sa mga magulang ko ay naroon din ang paren
