***ZRION’s POV***
Nais ko sanang magpaalam kay Leren kaya tumigil ako saglit sa tapat ng kuwarto niya. Mula sinabi niyang magpapahinga siya ay hindi na siya lumabas.
“Tara na, Boss. Kailangan ay nandoon na tayo sa resort bago dumating ang chopper,” untag sa akin ni Al.
Natauhan ako’t bumuntong-hininga. I looked at my wristwatch. Fifteen minutes before four o'clock. Kailangan na talaga naming umalis.
“Let’s go,” sabi ko na kay Al.
Lumakad na kami palabas ng villa. Si Rog ay naratnan namin sa may kotse. He opened the backseat door for me.
“Ikaw na ang bahala rito. Si Leren, always check on her. Mula pa kanina ay hindi pa siya lumalabas sa kuwarto niya,” bago ako sumakay ay bilin ko muna sa kanya.
“Masusunod, Boss.” Bahagyang yumukod siya at isinara ang pinto nang makapasok na ako.
