"ANO raw? Tama ba ang naririnig ko sa inyo mga Daddy at Tito Ninong? Susmaryusep!"
Natampal ni Whitney Pearl ang noo dahil ang mga oldies na nanggaling sa Pilipinas ay mayroong ibang binanalak!
"Tsk! Tsk! Hindi ka naman bingi sa pagkakaalam ko, anak. Napakaliwanag ng pagkasabi ng Daddy Cyrus ninyo ah," nakataas-kilay na saad ng kaniyang ina.
Tuloy!
Napabaling siya rito. Kaso ang biyanan niyang babae naman ang nagwika.
"Anak, alam ko ang iniisip mo. Mga dati silang alagad ng batas sa bansa natin. At kahit ano man ang mangyari ay hindi sila maaring makialam sa batas dito. Kaya nga ang sabi nila ay kami mismo ang ipain ninyo ng mga dati mong tauhan. It's worth of trying, Hija," paliwanag nito.
Doon niya napagtantong noong nasa bansang Pilipinas pa lang ang mga ito ay nabuo na ang plano.
