Naunang lumakad si Kian sa kanya patungo sa pintuan ng kanyang silid, habang nanatili pa rin siyang nakatayo sa kinatatayuan niya at nakasunod ng tingin kay Kian.
"Amanda, ano pang tinatayo-tayo mo diyan. Halika na at baka kung saan pa umabot ang usapan na ito," sabi sa kanya ni Kian. Wala siyang makitang ekspresyon sa mukha nito.
"Hindi mo naman siguro gugustuhin na umakyat pa ang kasambahay niyo para tawagin ka at makita ako sa loob ng silid mo," patuloy pa nito sa kanya.
"Oo na," tanging tugon niya rito sabay irap para ipakita na naiinis siya dito.
Naiinis nga siya dito. Wala na itong ginawa kundi ang tanggihan siya at ipahiya sa kanyang mga aksyon. Masyado itong masungit at matigas sa kanyang mga pang-aakit, at naiinis siya nang sobra dito.
Kapwa sila walang kibuan habang pab
