Francis' POV
Sa tuwing nakikita kong nasasaktan si Carolline parang gusto ko na ring saktan ang sarili ko. Wala akong magawa para pawiin ang mga sakit na nararamdaman niya.
Alam kong may ideya na si Brianna sa tinatago namin ni Carolline at nararamdaman kong pinipilit niya akong ilayo sa kapatid niya.
Lumapit ako sa kaniya nang bigla niya akong tawagin.
"Francis, ano bang ginagawa mo?!" inis na sabi niya.
"Bakit ka nakikipaghabulan sa babae na 'yan?" Turo niya pa kay Carolline. Tinignan ko naman si Carolline at nakatingin lang siya sa dagat.
"Kapatid mo si Carolline. Hindi siya basta-basta babae lang," pagpapaliwanag ko sa kaniya. Tinaasan niya naman ako ng kilay.
"Ano ngayon kung kapatid ko siya? Fiance kita at alam mong mali 'yong ginagawa mo! Paano kung may makakita sa inyo rito
