Carolline's POV
NAGISING ako sa amoy na para bang may nasusunog. Mabilis akong tumayo nang maisip ko na baka nasusunog na ang unit ni Allen.
Lumabas ako ng kuwarto at mabilis na hinanap ang mga gamit ko, pero napatigil ako nang makitang natataranta si Allen sa kusina. May hawak pa siyang spatula at may suot ang apron. Nagtatakang lumapit ako sa kaniya.
"What happened?" tanong ko pagkatapos ko siyang kalabitin. Nagulat pa siya, pero napatigil ako nang mapansin ko ang nasa unahan niya. Nakita ko sa lamesa ang mga sunog na hotdog, itlog, bacon at ano 'yon? Sa sobrang itim ay hindi ko na ma-recognize kung anong klaseng lutong ulam ang nandoon. Pagkain pa ba 'yon?
"Anong ginawa mo?" tanong ko ulit 'saka lumapit sa lamesa at 'saka inisa-isang tinuro ang nasa lamesa. "Ano 'to?"
"Ah, sinusubu
