“MERON pa bang bakanteng unit dito sa gusali, Aleah?” tanong ni Drake kay Aleah habang kumakain na sila.
“Meron, bakit?” balik niya. Nalipasan na siya ng gutom kaya dahan-dahan lang siya sa pagsubo baka biglang sasakit ang tiyan niya.
“Gusto kong umupa,” anito.
Nanlalaki ang mga matang tinitigan niya ito. Magkatapat lang sila. Ano naman kaya ang nakain ang isang ito at biglang naisip umupa ng bahay samantalang sa mansiyon ito nakatira?
“B-bakit dito pa? At bakit ka aalis sa mansiyon ninyo?” tanong niya.
“I want to keep my secrets as much a possible. Ayaw kong may kasamang ibang tao sa bahay. Manganganib na mabisto nila ang lihim ko. Isa pa, nakapangalan na kay Tyler ang mansiyon. Wala na akong karapatan doon. Ayaw ko namang tumira sa rest house ko. Naroon ang kapatid ni Mommy na matan
