PAGGISING ni Aleah kinabukasan ay wala na si Drake sa salas. Pasado alas-otso na ng umaga kaya hindi na siya nag-almusal. Lalong hindi siya nakapagbaon ng tanghalian. Late na kasi siya sa trabaho. Inaasahan pa naman ni Victoria na maaga siyang papasok para maaga silang makaalis papuntang Pampanga. Kailangan kasi sila sa meeting.
Pagdating sa opisina ay nadatnan niya roon si Victoria. Nakaupo ito sa swivels chair niya.
“Sorry I’m late,” bungad niya rito.
“Hindi na bago sa akin iyan. Pasalamat ka, canceled ang meeting sa Pampanga. Tumawag sa akin kanina si Elton. Bukas na lang daw ng hapon ang meeting dahil may pupuntahan sila,” sabi nito. Umalis na ito sa trono niya.
Nakahinga siya nang maluwag. “Mabuti na lang,” aniya. Inilapag niya ang laptop sa lamesa.
“Napuyat ka siguro, ano? Ang l
