TINIIS ni Tyler na huwag sagutin ang mga tawag at text ni Aleah. Tatlong araw na siyang nagpapakaabala sa trabaho. Kahapon pag-uwi niya sa mansiyon, wala na roon ang mommy niya. Wala na rin ang ibang kagamitan nito.
Nadi-depress siya sa mga nangyayari. Pakiramdam niya mas lalong naging masama ang kanyang ina dahil sa pag-usig niya rito. Dahil sa tauhan ni Arvin na nakatakas noon sa SSGC building, malamang alam na ng mga ito ang tungkol kay Drake. Pero alam niya kung saan nagtatago ang mommy niya. Kailangan niyang mapigilan anuman ang mga binabalak ng mga ito. Hindi niya hahayaang mauwi sa kamatayan ang kapangahasan ng kanyang ina.
Kinagabihan, pagkagaling sa trabaho ay dumeretso si Tyler sa rest house nila sa Tagaytay. Nabalitaan kasi niya na isa-isa nang hinahanap ng mga pulis ang mga n
