NAGISING si Luisa sa sunod-sunod na pagtunog ng kaniyang cell phone. Nakapikit pa ang mga mata niya itong kinuha at pinhit ang answer button upang sagutin ang tawag. “Hello,” malat na boses niyang bungad sa kung sino mang tumatawag. Napamulat siya ng mga mata nang makarinig lamang siya ng paghinga ng kung sino man mula sa kabilang linya. Bumangon siya sa kama at tinignan ang caller. Numero lamang ito na hindi nakarehistro sa kaniyang telepono. “Hello, sino ‘to?” tanong niya ngunit walang sumasagot at tanging paghinga lamang ang kaniyang naririnig hanggang sa tuluyang mamatay ang tawag. Kunot noo siyang napaisip. Hindi kaya wrong number? Pero kung wrong number bakit naman ganoon? Tila ba pinakikinggan lamang ng kung sinong tumawag ang kaniyang boses. Napailing siya. “Kung sino man ‘yon, ang
