DINALA ni Liam ang buhat-buhat na nobya sa rooftop ng kaniyang penthouse. Ibinaba niya ito sa ibabaw ng isang sun lounger malapit sa malaking swimming pool. Naupo siya sa tabi nito at pinagmasdan ang nobya. Bahagya nang may araw, maigi na lamang at nasa ilalim sila ng malaking payong sa pagitan ng dalawang sun lounger. Hinawi niya ang ilang hibla ng buhok na nililipad ng hangin sa pisngi nito at iniipit sa likod ng tainga ng nobya. “How could you be this pretty?”
Bahagyang pinamulahan ng pisngi si Piper. “Sira,” nahihiyang sambit nito at nag-iwas ng tingin. Pinagmasdan na lamang nito ang magandang paligid. “Ngayon lang ako tumambay rito, masarap pala ang hangin sa itaas.”
“Do you want to swim?”
Napangiti si Piper. “Puwede ba?”
“Bakit hindi?” Inaya niya itong bumangon. “Mainit din n
