SA KANILANG gawi patungo sa kuwadra ay huminto ang sasakyan. Kumunot ang noo ni Liam na nang mga oras na iyon ay abala sa hawak na telepono. “What happened?” takhang tanong niya kay Dylan na mabilis bumaba ng sasakyan at hindi na nasagot pa ang kaniyang tanong. Sa pagtataka ay inilibot niya ang paningin sa paligid, saka niya napagtanto na ngayon ay nasa labas sila ng iskinita kung saan patungo ang tahanan nila Piper. Malalim siyang bumuntong hininga. Itinago ang hawak na cell phone sa bulsa saka sumunod sa labas. “Talaga tong si Dylan, tsk!” Huminto siya sa paglalakad sa tapat ng bahay ng pamilya Antolin, kung saan kumakatok ang kaniyang kaibigan nang marahan.
“Tao po.” Ipinagpatuloy ni Dylan ang ginagawa at maya-maya lamang ay bumukas ang pintuan.
Mabilis siyang napatingin sa kung sin
