Elise
HINDI madaling bumalik sa dati ang lahat. Hindi madaling makalimutan ang mga nararamdaman ko para kay Marco dahil ang totoo, naging parte na siya ng aking buhay.
Sa pag-uwi ko ng Pilipinas, hindi ko alam kung sumunod sa akin si Marco, basta ang alam ko ay maayos kong pinaliwanag sa kanya ang mga bagay na nais kong mangyari.
Tuluyan akong nakipaghiwalay kay Marco at wala na siyang nagawa pa sa aking desisyon. Kahit nagmamahalan kaming dalawa, kailangan muna naming hanapin ang mga sarili namin.
Si Marco bilang isang lalaki na tuluyan nang nakalimot sa dati niyang pag-ibig at ako bilang isang babaeng matapang at buo ang pagmamahal sa sarili.
Sa pagkakataong ito, masasabi kong mas nagkaroon ako ng lakas ng loob upang harapin ang bagong mundo. Nagkaroon ako ng lakas upang maging isan
