Jessie’s POV
“May natatanging paraan, Jessie. May isang paraan upang maging masaya ka sa pipiliin mo desisyon. Isang paraan at siyang magiging susi ng lahat. Ngunit bago ang lahat, sa kahuli-hulihang pagkakataon ay tatanungin muli kita, ayaw mo na ba talagang bumalik sa mundong pinanggalingan mo at pipiliin mo na nang tuluyan ang manatili sa mundong ito kasama ang lalaking mahal mo habang buhay?” ang tanong niya na siyang nagpapatigil sa takbo ng aking oras. Hindi ko iyon magawang sagutin kaagad sa halip ay nanatili lamang akong nakatingin sa kanyang mga mata.
Napalunok ako ng sarili kong laway. Sa mga oras na ito ay hindi ko alam. Hindi ko alam kung ano at sino ang pipiliin ko ngunit mula sa mga binitawan niyang katatagan ay parang unti-unti nang naging malinaw sa akin. Parang unti-unti
