Mikael’s POV
“Hindi mo ba talaga sasabihin sa amin?” pansin ko sa boses niya ang galit. Hindi pa rin nagbago ang aking reaksyon sa halip ay mas lalo ko lang pinapakita sa kanya ang emosyon ng pagiging matapang na alam kong mas lalong magpapagalit sa kanila nang husto.
Wala akong pakialam sa magiging reaksyon nila. Una sa lahat ay wala akong kinatatakutan ni sino man. Wala sa akin ang galit na nangingilid sa kani-kanilang mukha. Kahit ilang beses nila akong saktan ay hinding-hindi ko ibibigay sa kanila ang nais nila!
Ngayon ay mas lalo lang naging mahigpit ang pagkakahawak nila sa aking likuran. Hindi ko magawang gumalaw sa puntong ito gayong sobrang higpit ng pagkakahawak nila mula sa aking likuran. Ilang beses k na ring sinubukang kumawala ngunit hindi ko magawa gayong dalawang silang
