Jessie’s POV
ILANG ARAW rin akong hindi pumasok sa paaralan o ang lapitan ang mga mortal na nilalang na naging parte ng aking buhay sa mundong ito. Pinilit kong magpakalayo-layo at nang magawa ko nang husto ang kailangan kong gawin. Ilang beses akong tinulad ng sarili ko na bumalik sa buhay na nakasanayan ko ngunit hindi maaari gayong kahit ilang beses kong bali-baliktarin ang mundo ay hinding-hindi pa rin mawawala ang katotohanang isang araw ay aalis rin ako sa mundong ito at iiwan at iiwan ko rin ang mga taong naging malapit sa akin—ang kaibigan kong si Cindy at ang lalaking minsan nang nagpapatibok ng aking puso, si Kael.
Sa isang eskenita ay patuloy ang aking paglalakabay. Bawat taong nakakasagupa ko ay sinubukan kong basahin ang kanilang mga isipan—nagbabakasakaling makita ko ang ta
