Kabanata 43:
Hindi ako mapakali habang nasa byahe papunta sa bahay nila Rayven. Pakiramdam ko kasi ay may hindi magandang mangyayari at ikinatatakot kong baka mapahamak kami pagkarating namin doon. Mukhang napansin yata ni Morris ang pagkabahala ko dahil hinawakan niya ang kamay kong hindi nakahawak sa manibela.
"It's okay, walang mangyayaring masama ngayon," paniniguro niya sa akin.
Nilingon ko siya at saka siya nginitian. Isang ngiting matamlay na alam kong napansin niya rin dahil mas hinigpitan niya ang pagkakahawak sa kamay ko.
Tahimik na bumyahe kami hanggang sa makarating kami sa kanto malapit sa bahay nila Rayven. At dahil wala namang pwedeng paradahan ng sasakyan sa may kanto kung saan ang street nila, naghanap na muna kami ng pwedeng paradahan bago kami bumaba. Nang sa wakas a
