Dahil sa kuryosidad, nakisilip din sila Aling Liwayway at Aling Ligaya sa taong nasa loob ng sasakyan. Dahilan iyon para lumuwag ang pagkakahawak nila sa palapulsuhan ko.
Sinamantala ko iyon para makatakas ako mula sa pagkakahawak nila. Nagulat na lang sila pareho nang nakita nila akong sumasakay na sa sasakyan ni Brandon.
“Hoy!”
“Iha! Sandali!”
Walang lingon-likod na dali-dali akong sumakay, hindi ko na alintana kung sasakyan ni Brandon iyon at si Brandon ang nagmamaneho. Ang importante sa ngayon ay makaalis ako sa lugar na ‘to.
Hindi ko pa lubusang naisasara ang pintuan ng sasakyan niya, pero agad na pinaharurot ito ni Brandon. At dahil hindi ako nakahanda sa biglaang pag-usad ng sasakyan niya, muntik na akong mapasubsob sa harapan ng sasakyan niya. Mabuti na lang at mabilis kong
