Pagkahinto ng sasakyan ni Kimberly sa tapat ng S.A.N. Hospital, agad akong nagpasalamat sa driver niya. Halos kaedad ito ni Brandon sa tantiya ko. Hindi man kaguwapuhan na tulad ni Brandon pero may dating din naman. Maganda rin ang katawan nito na tulad ni Brandon, pero etong si Kuya super flex sa muscles niya dahil fit na fit ang suot niyang t-shirt, kaya hulmang-hulma ang mga muscles niya.
“Sir, salamat.”
“Naku, Kuya na lang siguro. Nakakatanda iyang Sir.”
Nginitian ko lang siya.
“Hihintayin ba kita?”
“Ay, hindi na S–. Sorry…” hinging paumanhin ko sa pagtawag ko sa kanya ng Sir, “okay na ko dito.”
Tumango lang din siya sa akin kaya naman sinamantala ko na iyon para bumaba ng sasakyan. Nagmamadaling pumasok na ako sa loob ng hospital at dumeretso sa counter ng Information.
“M
