Walang nakapilit sa akin na lumipat ng kuwarto. Hindi na rin kami nakapag-usap Brandon mula nang iwanan ko sila ni Ruth Nicholson. Ni hindi na nga nagawang sumilip man lang kay Aira bago man lang siya umalis. Basta nag-text na lang siya na kailangan na niyang pumunta sa Verizon at ipinagbilin iyong dala raw niyang groceries na nasa gilid ng kama ni Aira.
Kung ako lang ang masusunod, hindi ko tatanggapin ang mga groceries na sinasabi niya. Ang balak ko sana ay itabi at isauli sa kanya sa pagbalik niya rito sa hospital. Pero nakita ko kasi ang tuwa sa mga mata ni Aira nang nakita niya ang laman nung eco bag. Mga pagkaing hindi pa niya natitikman sa tanang buhay niya. Tutal, para kay Aira naman ang mga iyon at hindi naman sa akin, kaya pinagbigyan ko na si Aira.
Isang beses ko lang din na
