Malaikah's PoV
BUMUGA ako nang malalim at sinundan si Uncle Trex sa master's bedroom. Natatakot ako, kinakabahan at kung ano-ano na ang pumapasok sa isip ko dahil sa nangyari. Ngunit naisip ko na may mali din ako dahil ginalit ko siya. At alam kong hindi nito sinasadya ang ginawa nito sa akin kanina.
Nakabukas ang master's bedroom. At may narinig akong kalampag sa loob ng banyo. Pinihit ko ang seradura ngunit naka-lock iyon.
Kinatok ko ang saradong pinto ng dalawang beses. “Buhay ka pa ba? Okay ka lang ba diyan? Huwag kang magpapatiwakal, ha? Hindi ka kasi sa langit mapupunta kahit na mabait ka pa!” malakas na sabi ko.
Wala akong narinig na imik mula sa loob.
Bumuga ako nang malalim at inalis ang aking sandals. Nangangalay na rin ang mga paa ko. Umupo ako sa sahig at isinandal ang li
