"I LOVE YOU. Ang ganda-ganda mo, Sweetheart," anas ni Reagan sa tainga ko habang nagsasayaw kami sa gitna ng reception area. Naiilang at nahihiya ako dahil nasa harap kami ngayon ng maraming bisita na ang iba ay hindi na nakarating sa simbahan. Dito ko na lang din nalaman na ang lahat pala ng naririto ay sinagot ni Reagan ang pagpapa-swab test dahil iyon ang gusto ng pamunuan nitong The Fifth at Rockwell. Siniguro nito na maayos at magiging safe ang lahat ng bisita namin. Lalong-lalo na kaming pamilya niya.
"Thank you. Ang gwapo mo rin," tipid kong sabi na sa mga mata lamang niya nakatingin magmula kanina. Gustuhin ko man kasing igala ang paningin sa paligid ay hindi ko magawa dahil sa hiyang nararamdaman. Lahat ng mga mata ng bisita ay nakatingin sa amin at pinanonood kaming dalawa hab
