ILANG BESES AKONG tumingin sa screen ng aking telepono. Pinindot ko ang Contacts icon at hinanap ang numero ni Thor. Nagbabalak na kasing umuwi si Vivien. Kahit ako din, gusto ko ng umuwi. Ginulo kasi ni Thor ang aking isipan. Hindi ko alm kung anong drama niya ngayon kasi kakaiba ang kilos niya. Hanggang sa matapos kami ay si Thor ang laging laman ng aking isipan.
Tumitig ako sa numero ni Thor. Nagdadalawang isip ako kung tatawagan siya, kagaya ng bilin niya kanina. Ilang sandali pa akong tumitig doon bago ko natanaw ang aking kaibigan na papalapit. Gumamit kasi siya ng banyo, at dahil pagod ako, hindi na ako sumama. Hinintay ko na lang siya sa bench na malapit sa banyo.
“Let’s go,” nakangiting sabi ni Vivien sa akin.
Ibinigay ko sa kan’ya ang mga paperbag na dala niya. Anim yata ang b
