“Ate, may aaminin ka ba sa akin?” bungad na tanong ni Lyka kay Ara pagkabalik niya sa kuwarto. Nakaupo ito sa kama habang binabantayan si Luke.
“Marami,” sagot naman niya.
“I-lock mo ang pinto kung gano’n para makuwento mo lahat ng walang isturbo. May sasabihin rin kasi ako sa ‘yo,” wika ni Lyka. Gusto rin kasi niya sabihin sa kapatid iyong nangyari sa kanya kanina.
“Hindi puwede. Kuwarto ito ni Angelo, ‘no…”
“At bakit pala dito tayo sa kuwarto niya? Akala ko ba may kuwarto na para sa inyo ni Luke?” kunot ang noo na tanong ni Lyka.
“Ahm… a-ano kasi, ganinto kasi yun. Bali, ano… k-kami na—aray ko.” Napahimas si Ara sa braso dahil sa hampas ni Lyka sa kanya.
“Kayo na pala pero tatahi-tahimik ka lang. Hindi mo man lang sinabi sa akin,” wika nito habang pinandidilatan siya ng mga mata.
