"Pakitigil na lang sa tabi, ayan ang jewelry shop namin." Itinuro ni Maria ang mataas na commercial building kung saan naroon ang isa pang branch ng tindahan nila ng mga alahas.
Maraming nagtataasang gusali sa lugar na iyon. Katapat ng kanilang building ay shopping mall, samantalang ang kahilera naman nila ay mga BPO company at condominium tower.
"Wow, nice location. Ngayon ko lang nalaman na malapit pala ang shop ninyo sa Infinity Tower," ani Brix.
Ang tinutukoy nitong tower ay ang kanilang pag aaring condominium building na pinamamahalaan naman ng panganay nitong kapatid na si Iñigo.
"Oo, maganda nga rito, accessible sa lahat," tugon ni Maria.
Inihinto ni Brix ang sasakyan sa tapat ng building. Humupa na ang ulan. Namayani ang katahimikan sa pagitan ng dalawa. Nakaramdam ng pagkail
