Kinabukasan ay maaga kaming gumayak ni Gab para sa pagtungo namin sa Masbate. Nag-pump na ako ng maraming gatas ko para kay baby Gracelyn dahil maiiwan sila ni Bokbok dito sa mansion at si ate Honey na muna ang bahala sa kanila.
Naririyan naman si Yaya Tess para may makatulong siya sa pag-aalaga sa dalawang bata. Hindi rin naman maligalig si Gracelyn. Sumasama siya kahit kanino.
Inayos ko na ang sarili ko sa harapan ng salamin. Kasalukuyan ako ngayong naririto sa banyo ng silid ni Gab. Samantalang ang mga bata ay nasa baba na at nilalaro-laro na nila Yaya Tess at ate Honey.
Nagsuot ako ng isang white short lace high-neck-sleeve sheath dress na open ang likod at litaw ang mapuputi kong mga braso. Umabot lang ang haba nito sa hating-hita ko kaya naman litaw na litaw din ang mabibilog at
